Uşaq bağçalarının müəllimləri nə vaxt sertifikasiyaya cəlb olunacaqlar? - VİDEO

Bu günə qədər dövlət ümumtəhsil müəssisələrində çalışan  ümumilikdə 11 min nəfər müəllim sertifikasiya imtahanlarında iştirak edib. Onlardan 9 minə yaxını prossesi uğurla tamamlayıb və nəticələrə uyğun olaraq differensial əməkhaqqı sisteminə keçirilməsinə başlanılıb.
Dövlət məktəbəqədər təhsil müəssisələrində çalışan tərbiyyəçi müəllimlərin də sertifikasiya imtahanlarına cəlb ediləcəyi məsələsi gündəmdədir. Bir müddət öncə Elm və Təhsil Nazirliyinin Ümumi və məktəbəqədər təhsilin təşkili və idarə olunması şöbəsinin müdiri Elnur Əliyev bağça tərbiyəçilərinin sertifikasiyası üçün normativ sənədin hazırlanması istiqamətində iş başladıldığını bildirib.
"Bəs prossesin həyata keçirilməsi nələri dəyişəcək?"
Təhsil eksperti Kamran Əsədov deyir ki, hazırda sertifikasiya imtahanının ən çox lazım olduğu istiqamətlərdən biri də məhz bağçalardır.
Onun sözlərinə görə, 2021-ci ildə bağçaların yerli icra hakimiyyətlərinin balansından alınaraq Elm və Təhsil nazirliyinə verilməsi bu sahədə müsbətə doğru dəyişikliklərə səbəb olub. Ekspertin fikrincə növbəti mərhələdə sertifikasiya imtahanı da təşkil olunarsa, keyfiyyət və şəffaflıq daha da artar.