Fransanın düşmən ölkə elan edilməsi TƏKLİF OLUNDU
16-11-2022, 17:43
40

Fransanın düşmən ölkə elan edilməsi TƏKLİF OLUNDU

Fransanın düşmən ölkə elan edilməsi TƏKLİF OLUNDU
Fransanın hazırda etdikləri birbaşa “Səlib yürüşləri”nin yeni versiyasıdır.
 
Bunu deputat Tahir Kərimli Milli Məclisin bu gün keçirilən iclasında bildirib.
 
Fransa Senatının Azərbaycan əleyhinə qətnamə qəbul etməsinə etirazını bildirən deputat Fransanın düşmən ölkə elan olunmasını təklif edib.
 
“Fransanın Azərbaycana qarşı qəbul etdiyi qətnamə onun əsas simasını göstərir. Mən təklif edirəm ki, Fransa bizim üçün düşmən ölkə olaraq elan edilsin. Fransa məsuliyyət daşıdığının fərqinə varmalıdır. İkinci təklifim isə budur ki, Fransadakı səfirimiz geri çağırılmalıdır. Bütün diplomatik nümayəndələr geri çağırılmalıdır. Azərbaycanın Fransa Senatı ilə bağlı qəti mövqeyi olmalıdır, bunu biz sərt şəkildə bildirməliyik. Eyni zamanda, Milli Məclis də Fransanın Əlcəzairdə soyqırım törətməsi ilə bağlı qətnamə qəbul etməlidir”, - deyə deputat qeyd edib.
 
Qeyd edək ki, ötən gün Fransa Senatı Azərbaycana qarşı sanksiyaların tətbiqi ilə bağlı qətnamə qəbul edib. Qətnamədə Azərbaycandan qaz və neft tədarükünə embarqonun tətbiqi imkanlarına baxılması təklifi yer alıb.
 
Sözügedən layihədə Azərbaycan vətəndaşlarının 30 illik işğal dövründə fundamental insan hüquqlarından məhrum olunması, Ermənistanın törətdiyi müharibə cinayətləri, dinc əhaliyə qarşı qətliam və digər qanunsuz əməlləri diqqətdən kənarda saxlanılıb. Bunun əksinə olaraq, Azərbaycan "işğalçı" kimi təqdim olunub. 

Oxşar xəbərlər