Süni intellektlə həyata keçirilən kiberhücumlar artır

 
ABŞ-da şirkətlərə qarşı süni intellektdən istifadə edilən kiberhücumlar və fidyə proqramları (ransomware) sürətlə artır.
Hücumçular AI vasitəsilə daha inandırıcı fişinq məktubları hazırlayır, təhlükəsizlik sistemlərindəki boşluqları daha qısa vaxtda aşkar edir və hücum prosesini avtomatlaşdırırlar.
Bu isə həm hücumların sayını, həm də mürəkkəbliyini əhəmiyyətli dərəcədə artırır.
Son günlər tibbi avadanlıq istehsalçısı “Abbott Laboratories” daxili sistemlərinə icazəsiz girişlə bağlı iki kibertəhlükəsizlik insidentini araşdırdığını açıqlayıb.
“Clover Health” şirkəti də şübhəli giriş cəhdləri aşkar etdiyini bildirib. Artan təhlükələr fonunda Ağ Ev AI hazırlayan şirkətlər və kritik infrastruktur operatorlarını bir araya gətirən yeni koordinasiya qrupu yaradıb.
Məqsəd süni intellektin aşkarladığı kibertəhlükəsizlik boşluqları barədə operativ məlumat mübadiləsini gücləndirmək və mümkün hücumlara qarşı birgə tədbirlər görməkdir.