Klinton: Trampın prezident olmaq şansı yoxdur

ABŞ-ın keçmiş dövlət katibi Hillari Klinton bildirib ki, Co Bayden istənilən halda 2024-cü ildə keçiriləcək prezident seçkilərində qalib gələcək.
 
Onun fikrincə, Donald Trampın şansı yoxdur.
 
“Onun Respublikaçılar Partiyasının namizədliyini qazanmasına kömək edəcək möhkəm bir dəstək nüvəsi var. Lakin prezident Baydenə qarşı keçirilən ümumi seçkilərdə onun qalib gələcəyinə inanmıram. Ona görə də mən, həqiqətən də, Respublikaçı namizədin kimliyindən asılı olmayaraq, prezident Baydenin yenidən seçiləcəyini düşünürəm”, - deyə Klinton Sky News-a müsahibəsində bildirib.