Parlamentdə qaz limiti ilə bağlı təklif irəli sürüldü

Milli Məclisdə qaz limiti ilə bağlı məsələ gündəmə gətirilib.
 
Bu barədə deputat Tahir Kərimli Milli Məclisin bu gün keçirilən iclasında çıxış edib.
 
“Qaz limiti məsələsinə xüsusilə də dağ kəndlərində diqqət yetirmək lazımdır. Dağ kəndlərində qaz limiti ləğv edilməlidir”, - deputat bildirib.
 
T.Kərimli, həmçinin kənd təsərrüfatının inkişafı üçün daha çox maliyyənin ayrılmasının vacib olduğunu söyləyib:
 
“Düzdür, kənd təsərrüfatı sahəsində irəliləyişlər var. Amma ərzaq qıtlığının və inflyasiyanın qarşısını almaq üçün addımlar atmaq lazımdır”.