Xəbər verdiyimiz kimi, 2023-cü ilin dövlət büdcəsi layihəsi Milli Məclisə daxil olub. Layihədə gələn il üçün dövlət büdcəsinin gəlirləri 30,7 milyard manat proqnozlaşdırılır, bu da ölkə tarixinin ən yüksək göstəricisi olmaqla, 2022-ci illə müqayisədə 5,2 faiz, 2021-ci illə müqayisədə isə 16,4 faiz çoxdur. Bundan əlavə, layihədə 2023-cü ildə dövlət büdcəsinin xərcləri 33,3 milyard manat nəzərdə tutulur. Bu göstərici 2022-ci illə müqayisədə 1,0 milyard manat, 2021-ci illə müqayisədə isə 5,9 milyard manat çoxdur.
2023-cü ildə büdcədən ən çox vəsait ayrılacaq sahələrdən biri təhsildir. Belə ki, büdcə layihəsinə əsasən, təhsilə ayrılan məbləğ 4,4 milyard manat təşkil edəcək. Sənəddə bildirilib ki, bu da 2022-ci illə müqayisədə 536,5 milyon manat və ya 13,8 faiz, 2021-ci ilin icra göstəriciləri ilə müqayisədə isə 1,3 milyard manat (42,4 faiz) çoxdur.
Bəs, təhsil ayrılan vəsait hansı istiqamətlərə xərclənməlidir?
Mövzu ilə bağlı danışan Milli Məclisin deputatı Etibar Əliyev təhsilə xərclənəcək vəsaitin daha da artırılmasının tərəfdarı olduğunu bildirib:
“Büdcədən elm və təhsil sahəsinə ayrılan vəsaitin artırılmasının tərəfdarıyam. Eyni zamanda vəsaitin nəticəyönümlü xərclənməsini istəyirəm. Düşünürəm ki, vəsaitin böyük bir hissəsi ibtidai sinif müəllimlərinin əmək haqlarının artırılmasına sərf olunacaq. Bütün hallarda qeyd etmək istərdim ki, regionlarda məktəblərin köhnə olması, onların maddi-texniki bazasının aşağı olması narahatedicidir. Region məktəblərinin yenilənməsi, eyni zamanda mövcud məktəblərin infrastrukturunun yaxşılaşması üçün vəsaitlərin artırılması vacibdir. Məktəblərdə kompüter sayı və internetə giriş qaneedici deyil. Bir müddət əvvəl biz Bakı məktəblərinin birində olduq. Orada internetə giriş yox idi. Axı, 21-ci əsrdə yaşayırıq. Bu, yolverilməzdir".
Deputatın sözlərinə görə, elm və təhsil sahəsinə ayrılan vəsaitin artırılması dövrün tələbidir:
"Artırılan vəsaitin xərclənməsinə ciddi nəzarət edilməlidir. Bunun üçün müəyyən yoxlamalar, qiymətləndirmələr aparılmalıdır. Universitetlərdə professor-müəllim heyətinə və tələbə mobilliyinə geniş yer verilməlidir. Gənc alimlərin Avropa ölkələrində staj keçməsi təşkil edilməlidir. Onlar daha sonra qazandıqları təcrübəni ölkəmizdə tətbiq edəcəklər. Hesablama Palatasının təhsil sahəsində apardığı audit məni qane etmir. Qurum vəsaitin xərclənməsinin nəticəyönümlü olması üçün ciddi audit aparmalıdır.
Onu da qeyd etmək lazımdır ki, Elm və Təhsil Nazirliyinin yaradılmasına baxmayaraq, elmə ayrılan vəsait çox cüzidir. Büdcənin 0,1 faizi elmə ayrılıb. Elmin uğurları üçün, elmi nailiyyətlər üçün inkişaf etmiş ölkələr ÜDM-nin 5 faizini elmə ayırır. Bu vəsait texnologiyaların alınması, mütəxəssislərin yetişməsi, məqalələrin çapı üçündür".
Milli Məclisin deputatı Ceyhun Məmmədovun fikrincə, elm və təhsil sahəsinə nə qədər çox vəsait ayrılsa da, yetərli olmur:
“Çünki burada infrastruktur və təminatla bağlı məsələlər var. Büdcəni ümumi təhlil etsək, dövlətin ən çox diqqət və qayğı göstərdiyi sahələrdən birinin təhsil olduğunu deyə bilərik. Ayrılan 4,4 milyard manat həqiqətən də yüksək vəsaitdir. İnidiki şəraitə görə, bu, böyük irəliləyiş sayıla bilər”.
Deputat hesab edir ki, büdcədən vəsaitin artırılması elm və təhsil sahəsində keyfiyyətin yüksəlməsinə kömək edəcək:
“Ödənişsiz təhsilin genişləndirilməsi, təqaüdlərlə bağlı məsələlər, universitetlərin texnologiya vəsaitlərinin sayının artırılması nəzərdə tutulur. Büdcədən elm və təhsil sahəsinə ayrılan vəsaitin artırılması təhsil keyfiyyətinə müsbət təsir göstərəcək. Onu da bildirim ki, tələbələrin təqaüd məsələsinə də davamlı olaraq diqqət yetirilir. Bununla bağlı cənab Prezidentin müəyyən tapşırıqları olur. Məsələ dövrə uyğun araşdırıldıqdan sonra təqaüdün artırılmasına baxıla bilər”.
Təhsil eksperti Nadir İsrafilov isə xatırladıb ki, büdcədən ən çox vəsait hərbi və müdafiə sənayesinə ayrılır, daha sonra elm və təhsil sahəsi gəlir:
“Təhsilə ayrılan vəsait ilbəil artır. Bu, ölkə başçısının təhsilə olan qayğısını göstərir. Eyni zamanda elm və təhsil sahəsinin prioritet olduğu görünür. 44 günlük Vətən müharibəsindən sonra Qarabağa "Böyük Qayıdış"ımızı nəzərə almalıyıq. Bizim Qarabağda görüləcək işlərimiz, həyata keçiriləcək layihələrimiz var. Bu gün əsas diqqət Qarabağadır. Bütün bunların fonunda təhsilə ayrılan vəsaiti o qədər də az hesab etmək olmaz. Eyni zamanda, biz müharibə şəraitinin tam sovuşmadığını, təxribatların davam etdiyini görürük. Buna görə də, müdafiə sənayesini gücləndirməliyik. Bunun müqabilində yenə də təhsilə vəsait ayrılmasını müsbət qiymətləndirirəm. Bu məqamda həm də vəsaitin səmərəli, istiqaməti üzrə istifadəsi önəmlidir”.
Ekspertin sözlərinə görə, təhsillə bağlı problemlərin həllini yalnız dövlətin boynuna yıxmaq olmaz:
“Dünya ölkələrində ayrı-ayrı universitetlər həm də öz gəlirləri hesabına müəyyən nailiyyətlər qazanırlar. Bizdə də 6 universitetə publik hüquqi şəxs statusu verilib. Bu gün pedoqoji kolleclərə, hətta orta məktəblərə publik hüquqi şəxs statusu verilməsindən söhbət gedir. Anlamaq lazımdır ki, təhsil tək dövlət işi deyil, təhsil həm də ümumxalq işdir, ümumilli məsələdir. Ona görə də, təhsillə bağlı problemlərin həllini yalnız dövlətin üzərinə atmaq düzgün deyil. Məncə, universitet və digər təhsil müəssisələrimiz öz imkanları hesabına gəlir qazanmalıdırlar".
Bundan başqa, Nadir İsrafilov iş adamlarını təhsil sahəsinə dəstək olmağa çağırıb:
"Təhsil kreditləri və tələbələrə ayrılan vəsaitlərə iş adamları da dəstək olmalıdır. 20-ci əsrin əvvəllərində xeyriyyəçilərimiz olub ki, onlar öz vəsaitləri hesabında təhsilə töhfə verməyə çalışıblar. Məsələn, Hacı Zeynalabdin Tağıyev qızlar məktəbi açmışdı. Bəzi gənclər məhz onun köməyi ilə xaricdə təhsil almışdı. Bundan başqa, Musa Nağıyev, Səməd Vurğun, Üzeyir Hacıbəyov da belə təşəbbüslərə qoşulub. Mən təəssüf edirəm ki, bugünkü iş adamlarımız təhsilə töhfə vermirlər. Onlar da gərək töhfə versinlər. İş adamları bəzi tələbələrin təhsil haqqını ödəməklə imksansız şəxslərə dəstək olmalıdırlar”.
Təhsil
28-10-2022, 10:25
76
Təhsilə ayrılan 4,4 milyard manat necə xərclənməlidir - TƏKLİFLƏR
Oxşar xəbərlər
Son Xəbərlər
-
Daşkəsən rayon Kobalt qəsəbəsində yerləşən Peşə məktəbində qanunsuzluqlar baş alıb gedir. Rəhbərlik öz işinə niyə məsuliyyətsiz və laqeyd yanaşır?
-
“WhatsApp” istifadəçiləri üçün inanılmaz yenilik: internetsiz olacaq
-
Rəsmən açıqlandı: Şuşaya qayıdış başlayır - BU TARİXDƏN
-
Bakı İrəvanı belə ağıllandırır: Ermənistanın daha bir simvolik gününü təqvimdən silir
-
KTMT-dən İrəvana xəbərdarlıq: Cənubi Qafqazda güc balansı dəyişəcək
-
İrəvan 24 apreldən imtina edir: Paşinyandan ermənilərə “soyqırımı” şilləsi
-
Bağırsaq xəstəlikləri olan insanlar üçün ƏN FAYDALI QİDA
-
Bu yay üçün REKORD İSTİLİK gözlənilir
-
“Made in Karabakh”: Şərablarımız yenidən dünyaya ayaq açır - VİDEO
-
Ermənistanda HƏBS DALĞASI: Azərbaycanla sərhədin...
-
Ən güclü qan qrupu: onun sahibləri ÇOX YAŞAYIRLAR
-
Qazax Rayon Suvarma Sistemləri İdarəsinin rəisi Vəkilov Məhəd Moşu oğlu öz işinin öhtəsindən layiqincə gəlir
-
İlham Əliyev və Vladimir Putinin BAM veteranları ilə görüşü olub - YENİLƏNİB + FOTO/VİDEO
-
Dünyada müdafiə xərcləri tarixi rekord həddə çatıb - SİYAHI
-
Zərərli qidaları neçə gündən bir yemək təhlükəsizdir? - Mütəxəssisdən AÇIQLAMA
-
Paşinyan: "Ermənilərin Qarabağa qayıtması üçün heç bir imkan yoxdur"
-
“Etirazçılar Azərbaycana problemləri hərbi yolla həll etmək üçün qanuni hüquq verir” - Erməni politoloq
-
Rus sülhməramlıları Ermənistana getdi - Qriqoryan səbəbini açıqladı
-
Kürdəmirdə 71 yaşlı qadın su quyusuna düşərək ölüb
-
Növbəti köç karvanı Füzuli şəhərinə yola düşüb
-
NEWS.ru: “Putin və Əliyev yeni geosiyasi reallıq yaradırlar”
-
Əliyev tələb etdi, Ermənistan razılaşdı - Üç variantda delimitasiya ssenarisi
-
Zelenskidən HƏYƏCAN TƏBİLİ: "Ukrayna dözməsə, Putin mütləq..."
-
Qaytarılan 4 kəndə görə Kirants QARIŞDI - İrəvandan xüsusi polis qüvvələri göndərildi
-
Bakı 2026-cı ildə dünyanın idman paytaxtı ola bilər
-
Milli Qəhrəman Allahverdi Bağırovun doğum günüdür
-
Füzuli şəhərinə növbəti köç karvanı yola salınıb
-
Azərbaycanda bu məhsullar UCUZLAŞACAQ - Yeni qanun qüvvəyə minir
-
Əliyevin Moskva səfərinin şifrələri: Putin saatı Bakı vaxtına qurur
-
Xəritə yayıldı: ermənilər Azərbaycandan keçib gedəcəklər
Top 5
- Bu Gün
- Bu Həftə
- Bu Ay
-
Gəncə şəhər 1 saylı Notariat ofisinin müdiri Elnur Məhərrəmov öz işinin peşəkarı insandır
12:30 -
Bakı “Instagram” və “TikTok”da ən populyar alternativ turizm məkanına çevrilib
17:15 -
Əliyevin Moskva səfərinin şifrələri: Putin saatı Bakı vaxtına qurur
17:16 -
Daşkəsən rayon Kobalt qəsəbəsində yerləşən Peşə məktəbində qanunsuzluqlar baş alıb gedir. Rəhbərlik öz işinə niyə məsuliyyətsiz və laqeyd yanaşır?
20:58 -
Xəritə yayıldı: ermənilər Azərbaycandan keçib gedəcəklər
17:16
-
Sabirabad Perinatal Mərkəzinin cərrah ginekoloqu Mehriban xanım öz işinə məsuliyyətli yanaşan, peşəsinə böyük sevgi hissi ilə bağlı olan bir həkimdir
13:30 -
Həkimdən C vitamininin əks təsirləri ilə bağlı XƏBƏRDARLIQ
15:49 -
Sabirabad rayon Heyvandarlıq bazarının rəhbəri Hacı Əliş müəllimin əl tutub, iş verdiyi insanların sayı hesabı yoxdur
15:21 -
Əliyevin Moskva səfərinin şifrələri: Putin saatı Bakı vaxtına qurur
17:16 -
Qazax rayonu, Qırmızı Körpü yolunun üzərində yerləşən Yanacaq doldurma məntəqəsinin rəisi Mehman müəllim öz işini vicdan və ləyaqətlə icra edir
14:50 -
Bəşəriyyət üçün ən təhlükəli TOP 10 XƏSTƏLİK: Faciəvi nəticələri olur
15:48 -
Ukrayna düşmənə konkret və ədalətli cavab hazırlayır - Zelenskidən iddialı sözlər
15:49 -
Paşinyan müdafiə nazirinə Əliyevdən qorxduğu haqda nələr deyib?
13:29 -
ABŞ İrəvana məsləhətçi və hərbi texnika göndərir - Sərhədimizə gəlirlər
13:28 -
Ağdaban qətliamından 32 il ötür
15:49