“İstanbulda razılaşdıq, onlar hər şeyi zibil qutusuna atdılar” - Putin

Rusiyanın Ukrayna ilə danışıqlarda xoş niyyəti bəllidir.
 
Bunu Rusiya Prezidenti Vladimir Putin jurnalistlərin Moskva ilə Kiyev arasında danışıqların mümkünlüyü ilə bağlı sualını cavablandırarkən deyib.
 
Rusiya lideri bildirib ki, Kiyev hazırda mümkün razılaşmaları müzakirə etməyə can atmır: “Yaxşı, gözləyəcəyik. Bəlkə, bəzi zəruri şərtlər yetişəcək. Bizim xoş niyyətimiz bəllidir. Bu, heç bir dəyişiklik və ya şübhə doğurmur”.
 
Putin vurğulayıb ki, razılaşmalara nail olmaq üçün danışıqlar masasına əyləşmək və danışıqlar aparmaq lazımdır.
 
“İstanbulda onlarla razılaşdıq. Onlar hər şeyi götürüb zibil qutusuna atdılar. İndi, ümumiyyətlə, bizimlə nəsə danışmağı özlərinə qadağan etdilər”, - Rusiya Prezidenti qeyd edib.