Rektorun maşınından 74 kiloqram narkotik tapıldı

Türkiyədə Koç Universitetinin rektorunun xidməti avtomobilindən ümumilikdə 74 kiloqram narkotik maddə aşkar olunaraq götürülüb.
Şanlıurfa vilayəti ərazisində hərəkətdə olan avtomobil polis tərəfindən dayandırılıb. Sürücünün özünü şübhəli aparmasından sonra avtomobilin yük yerinə baxış keçirilib.
 
Nəticədə biri 53, digəri 21 kiloqram olmaqla ümumilikdə 74 kiloqram müxtəlif növ narkotik vasitələr aşkarlanıb. Faktla əlaqədar sürücü saxlanılıb.
 
İstanbul istiqamətində hərəkət edən nəqliyyat vasitəsinin Koç Universiteti rektorunun xidməti avtomobili olduğu üzə çıxıb.
 
Ali təhsil müəssisəsindən verilən açıqlamada sürücünün avtomobili icazəsiz olaraq özbaşına şəhər kənarına apardığını, həmin şəxsin işdən azad olunduğu qeyd edilib.
 
Avtomobili qaçıran və narkotik vasitələr daşıyan sürücü haqqında araşdırmalar davam etdirilir.