Üzünü plastik əməliyyatla dəyişib 30 il gizlənə bilən MAFİOZ tutulub - foto

İtaliyada “Cosa Nostra” mafiyasının başçısı hesab edilən Matteo Messina Denaro saxlanılıb.
Bu barədə ANSA agentliyi mənbələrə istinadən məlumat yayıb.
"Arıq mafioz" kimi tanınan Messina Denaro təxminən 30 il qaçaq olub.

2020-ci ilin oktyabrında Siciliyanın Kaltanissetta şəhərində məhkəmə  heyəti Denaroya qiyabi olaraq ömürlük həbs cəzası verib. Hakimlərə hökm çıxarmaq üçün 13 saatdan çox vaxt lazım olub.
Denaro 1992-ci ildə Siciliyada əfsanəvi italyan müstəntiqləri Covanni Falcone və Paolo Borsellino və onları mühafizə edən 8 polis əməkdaşının qətlinin təşkilində iştirak etdiyinə görə məhkum edilib.
Bundan əvvəl italiyalı 1993-cü ildə Roma, Florensiya və Milanda 10 nəfərin ölümü, 100-ə yaxın insanın yaralanması ilə nəticələnən terror aktlarında iştirak etdiyinə görə artıq ömürlük həbs cəzasına məhkum edilmişdi.