Sentyabrın 1-də Romada Azərbaycan Respublikasının İtaliya Respublikasındakı səfirliyinin yeni binasının açılışı olub.
Azərbaycan Respublikasının Prezidenti İlham Əliyev açılışda iştirak edib.
Əvvəlcə dövlətimizin başçısı səfirliyin həyətində ağac əkdi. Sonra Prezident İlham Əliyev səfirliyin yeni binasının rəmzi açılışını bildirən lenti kəsdi.
Daha sonra Azərbaycan Prezidenti yeni binada yaradılan şəraitlə tanış oldu.
Prezidentin köməkçisi Anar Ələkbərov və Azərbaycanın İtaliyadakı səfiri Məmməd Əhmədzadə dövlətimizin başçısına binada yaradılan şərait barədə məlumat verdilər.
Qeyd edək ki, Azərbaycan Prezidenti İlham Əliyev 2020-ci ilin fevralında İtaliyaya dövlət səfəri zamanı birinci xanım Mehriban Əliyeva ilə Roma şəhərində səfirliyimiz və onun tabeliyində Azərbaycan Mədəniyyət Mərkəzi üçün nəzərdə tutulan bina ilə tanış olub, binanın əsaslı təmiri ilə bağlı tapşırıq və tövsiyələrini veriblər.
Bildirilib ki, ötən əsrin 40-cı illərində inşa edilmiş bina diplomatik nümayəndəliklərin yerləşdiyi Nomentano-Villa Torlonia ərazisindəki Via Giovanni Battista De Rossi 27 ünvanındadır.
Binanın 1-ci və 2-ci mərtəbələri Azərbaycan Mədəniyyət Mərkəzi, 3-5-ci mərtəbələri isə səfirlik üçün nəzərdə tutulub.
Dünyanın ən zəngin tarixi irsinin yerləşdiyi Romada Azərbaycan Mədəniyyət Mərkəzinin fəaliyyətə başlaması ölkəmizin təbliği istiqamətində atılan ən mühüm addımlardan biridir və dünyada multikulturalizmin beşiyi sayılan Azərbaycanın ən yüksək səviyyədə tanıdılmasına xidmət edir. Birinci xanım Mehriban Əliyevanın rəhbərliyi ilə Heydər Əliyev Fondunun Azərbaycanın dünya miqyasında tanıdılması istiqamətində mühüm tədbirlər həyata keçirdiyi ölkələr arasında İtaliya xüsusi yerə malikdir. Romada Azərbaycan Mədəniyyət Mərkəzinin fəaliyyətə başlaması ölkəmizin zəngin tarixi-mədəni irsinin tanıdılmasına, Azərbaycan və İtaliya arasında mədəniyyət, elm, təhsil, humanitar sahələrdə daha səmərəli fəaliyyətin həyata keçirilməsinə geniş imkanlar açacaq.
Mədəniyyət Mərkəzinin daxili tərtibatında Azərbaycanın dövlət rəmzlərindən, milli sənətkarlıq elementlərindən, o cümlədən şəbəkədən istifadə edilib. Mərkəzin müxtəlif ekspozisiya zallarında Azərbaycan tarixini əks etdirən eksponatlar təqdim olunur. Qədim silahlar, misgərlik məmulatları, xalça sənətinin nümunələri, zinət və bəzək əşyaları, milli geyim və aksessuarlar da daxil olmaqla bütün eksponatlar Azərbaycanın qədim, zəngin tarixindən və mədəniyyətindən xəbər verir. Mərkəzdə müxtəlif tədbirlərin və görüşlərin keçirilməsi üçün hər cür imkan yaradılıb.
Azərbaycan xalçaları mərkəzdəki ekspozisiyanın ən qiymətli inciləri sırasındadır. Milli xalçaçılığımızın müxtəlif məktəblərinin nümunələrinin təqdim edildiyi mərkəzdə qədim xalça və xalça məmulatlarının geniş çeşidi sərgilənir. Burada Azərbaycan xalçaçılıq məktəblərinin tarixi və keçdiyi inkişaf yolları barədə italyan dilində məlumat verilir. Bundan başqa, Azərbaycan miniatürləri, ölkəmizdə qədimdən yaranıb formalaşan rəssamlıq sənəti - miniatür məktəbi barədə ətraflı məlumat verilir. Zinət və müxtəlif bəzək əşyalarının, xalq incəsənətinin bütün istiqamətlərinə dair nümunələrin, taxta üzərində oyma sənətinin təqdim olunduğu mərkəzin ekspozisiyasında Azərbaycan milli geyimləri də diqqəti cəlb edir.
Azərbaycan Mədəniyyət Mərkəzində Heydər Əliyev Fondu tərəfindən italyan dilində nəşr olunmuş Azərbaycanın mədəniyyəti, incəsənəti, sənətkarlığı, qayaüstü rəsmlər, miniatür sənəti, milli musiqimiz, zərgərlik məmulatları, xalçalar ilə bağlı kitablar nümayiş etdirilir. Mərkəzdə, həmçinin Azərbaycanın tarixi, mədəniyyəti, ədəbiyyatı, xarici siyasəti ilə bağlı son illər İtaliyada nəşr edilmiş kitablar da təqdim olunur.
Prezident İlham Əliyev mərkəzin açılışı münasibətilə təşkil edilən “Mənim Azərbaycanım” adlı rəsm sərgisi ilə də tanış olub. Sərgidə realizmdən tutmuş modernizm və postmodernizmədək Azərbaycanın təsviri sənətinin nadir nümunələri nümayiş etdirilir.
Mərkəzdə iki ölkə arasında elm-təhsil mübadilələri çərçivəsində onlayn dərslərin keçirilməsi, Azərbaycan dilinin tədrisi üçün xüsusi avadanlıqlarla təchiz olunmuş otaq da vardır. Burada Azərbaycan musiqisinin təbliğinə də geniş yer ayrılıb. Qədim musiqi alətlərimizin sərgisi təşkil olunub və bütün musiqi janrlarımızla bağlı CD-lər və italyan dilində nəşrlərdən ibarət guşə də yaradılıb. Bundan başqa, mərkəzdə Azərbaycanın milli mətbəxinin nümunələrinin hazırlanması və müvafiq master-klasların və təlimlərin keçirilməsi üçün şərait var.
Binanın səfirlik üçün nəzərdə tutulan iş otaqlarında fəaliyyət üçün hər cür şərait yaradılıb. Görüş otaqlarında Azərbaycan-İtaliya münasibətlərinin ən vacib məqamları, Azərbaycan Respublikası Prezidentinin azad olunmuş ərazilərə səfərləri, İtaliyada Azərbaycanla bağlı dərc olunmuş kitablarla bağlı fotosərgilər yerləşdirilib.
Binanın beşinci mərtəbəsində tədbirlərin keçirilməsi üçün Roma şəhərinin mənzərəsinə açılan böyük terras var.
Səfirliyin binasının həyətində “Xarı bülbül” beynəlxalq incəsənət festivalının qaliblərinin müəllifi olduqları “Xarı bülbül” maketləri nümayiş olunur.
Siyasət
1-09-2022, 16:36
40
Prezident yeni səfirlik binasının açılışında - FOTOLAR (YENİLƏNİB)
Oxşar xəbərlər
Son Xəbərlər
-
Azərbaycan “Avroviziya-2024”ün finalına keçə bilmədi
-
Bakı və İrəvan 5 ay ərzində sülh sazişi imzalaya biləcəkmi? - DETALLAR
-
Stresdən necə qurtulaq?
-
Bölgələrdə mənzillər BAHALAŞDI - VİDEO
-
Türkiyədə əcnəbilərə qarşı sərt tələb - Ərdoğana müraciət edildi
-
Azərbaycana gələn turistlər Bakıdan çıxmağa niyə qorxurlar? - Ekspertlər elə səbəblər göstərdilər ki...
-
Zəngəzur dəhlizi Ermənistanı təcrid vəziyyətindən çıxara bilər
-
ABŞ-dan “gələcək dünya” ilə bağlı ŞOK İDDİA: 6 vacib ölkə olacaq - Türkiyə də...
-
Taksi sifarişində gözlənilməyən durum: Məhdudiyyət qoyuldu, QİYMƏT ARTDI - AÇIQLAMA
-
Günəşdə güclü partlayış: Maqnit qasırğaları həftəsonu Yer kürəsini vura bilər
-
Sabahın hava proqnozu açıqlandı
-
Rusiya Ermənistanda çevriliş hazırlayır - Paşinyanın deputatından şok açıqlama
-
Bu işçilərə kompensasiya ödəniləcək
-
Azərbaycanla delimitasiya işlərinin 90% tamamlanıb - Paşinyan açıqladı
-
Oskanyan separatçılarla görüşdü: Avropada ona Qarabağla bağlı nə deyilib?
-
Qalaktika müstəmləkəyə çevriləcək - Mask tarixi açıqladı
-
Cəlilabad şəhər Prişib tibb məntəqəsinin uşaq şöbəsinin həkimi Əliyev Saleh həkimin adı, hal-hazırda hər kəs tərəfindən hörmət və rəğbət hissi ilə çəkilir
-
Ağrı da yoluxucu imiş... - Dəhşətli ARAŞDIRMA
-
Günəşdə yeddi güclü partlayış baş verdi
-
Türk Dövlətləri sionizm təhlükəsi kimi: İranda Azərbaycana qarşı hansı plan qurulur?
-
Bu şəxslərə 1380 manat ödəniş edilir
-
Noyemberyan mövqeyində bayrağımız dalğalanır - Bu ərazilər nəzarətimizə keçdi
-
Dollar ucuzlaşır, ruzigar türk lirəsinin xeyrinə əsir: Bütün gözlər bu hesabatda
-
Yerlə bağlı XƏBƏRDARLIQ - 15-16 saat ərzində...
-
DYP əlverişsiz hava şəraiti ilə bağlı hərəkət iştirakçılarına müraciət edib
-
Naftalan Şəhər Bələdiyyə sədri Verdiyev Elman Elim oğlunun Prezident İlham Əliyevə, dövlətimizə və dövlətçiliyimizə sadiq olması hər kəsə bəllidir
-
Təmiz hava təhlükəli xəstəliyin inkişafına kömək edirmiş - ARAŞDIRMA
-
Bəzi “WhatsApp” istifadəçiləri bloklanacaqlar - SƏBƏB
-
Bu gün “Green card” müraciətlərin nəticələri açıqlanacaq
-
Norveçli səyahətçi: “Minalardan çirklənmə ən dəhşətli problemlərdən biridir”
Top 5
- Bu Gün
- Bu Həftə
- Bu Ay
-
Taksi sifarişində gözlənilməyən durum: Məhdudiyyət qoyuldu, QİYMƏT ARTDI - AÇIQLAMA
14:44 -
ABŞ-dan “gələcək dünya” ilə bağlı ŞOK İDDİA: 6 vacib ölkə olacaq - Türkiyə də...
14:45 -
Türkiyədə əcnəbilərə qarşı sərt tələb - Ərdoğana müraciət edildi
14:48 -
Azərbaycana gələn turistlər Bakıdan çıxmağa niyə qorxurlar? - Ekspertlər elə səbəblər göstərdilər ki...
14:46 -
Bölgələrdə mənzillər BAHALAŞDI - VİDEO
14:49
-
Qazax rayonu, Qırmızı Körpü yolunun üzərində yerləşən Yanacaq doldurma məntəqəsinin rəisi Mehman müəllim öz işini vicdan və ləyaqətlə icra edir
13:09 -
Ermənistan müxalifəti xarici səfirləri qapalı görüşə çağırdı: Məqsədləri nədir?
12:28 -
Xəritə yayıldı: ermənilərin zəbt etdiyi bu ərazilər Azərbaycana təhvil verilir - VİDEO
12:28 -
Bu gün “Green card” müraciətlərin nəticələri açıqlanacaq
12:24 -
Cəlilabad şəhər Prişib tibb məntəqəsinin uşaq şöbəsinin həkimi Əliyev Saleh həkimin adı, hal-hazırda hər kəs tərəfindən hörmət və rəğbət hissi ilə çəkilir
14:03
-
Sabirabad Perinatal Mərkəzinin cərrah ginekoloqu Mehriban xanım öz işinə məsuliyyətli yanaşan, peşəsinə böyük sevgi hissi ilə bağlı olan bir həkimdir
13:30 -
ABŞ İrəvana məsləhətçi və hərbi texnika göndərir - Sərhədimizə gəlirlər
13:28 -
Sabirabad rayon Heyvandarlıq bazarının rəhbəri Hacı Əliş müəllimin əl tutub, iş verdiyi insanların sayı hesabı yoxdur
15:21 -
Dünya bazarında neft qiymətləri necə dəyişib?
08:37 -
Paşinyan müdafiə nazirinə Əliyevdən qorxduğu haqda nələr deyib?
13:29 -
Əliyevin Moskva səfərinin şifrələri: Putin saatı Bakı vaxtına qurur
17:16 -
Qazax rayonu, Qırmızı Körpü yolunun üzərində yerləşən Yanacaq doldurma məntəqəsinin rəisi Mehman müəllim öz işini vicdan və ləyaqətlə icra edir
13:09 -
Çörəyə gizli qatılan, xərçəng yaradan 3 maddə
13:37 -
Daşkəsən rayon Kobalt qəsəbəsində yerləşən Peşə məktəbində qanunsuzluqlar baş alıb gedir. Rəhbərlik öz işinə niyə məsuliyyətsiz və laqeyd yanaşır?
20:58 -
Mayın 1-dən uşaqların birinci sinfə qəbul prosesi başlayacaq
12:55