Həkim qışda immuniteti qoruyan ilk üç məhsulu açıqladı

Qışda aşağı temperatur və viruslar orqanizmimizə mənfi təsir göstərir, günəş işığının olmaması səbəbindən dəri piy mübadiləsini tənzimləyən, dərinin, saçın və dırnaqların sağlam olmasını təmin edən D3 vitamininin aktiv formasının istehsalı dayanır. Bununla belə, bəzi qidalar var ki, ilin bu vaxtında immun sisteminizi dəstəkləməyə kömək edə bilər.

Publika.az xəbər erir ki, bu sözləri diyetoloq və endokrinoloq Ancelina Vodolazkaya Gazeta.ru-ya müsahibəsində bildirib.

"Tərəvəzlər bədəndən xolesterini çıxarmağa və mədə-bağırsaq traktının fəaliyyətini qorumağa kömək edən liflərin əsas tədarükçüsüdür. Belə tərəvəzlərdən biri ispanaqdır. O, C vitamini mənbəyidir və ispanaqda həmçinin beta-karoten və antioksidanlar var ki, bu da immun sistemini gücləndirməyə kömək edir", - ekspert qeyd edib.

Adi sarımsaq güclü antiviral və antibakterial xüsusiyyətlərə malikdir - o, soyuqdəymə və qriplə mübarizə aparmağa kömək edəcək. Zəncəfil də iltihab əleyhinə xüsusiyyətlərə malikdir, çaya və ya yeməyə əlavə edilə bilər. O, həmçinin xolesterin səviyyəsini aşağı salmağa kömək edir, yaddaşı və konsentrasiyanı yaxşılaşdırır, ürək-damar xəstəliklərinin və Alzheymer xəstəliyinin qarşısını alır. Həkimin sözlərinə görə, bu sehrli qidalardan istifadə etsəniz, eyni zamanda müxtəlif və balanslı qidalansanız, qışda da sağlamlığınız və immunitetiniz yaxşı olacaq.