Dietoloq uzunömürlülüyün SİRLƏRİNİ AÇIQLADI

Hemotest laboratoriyasının həkimi, idman dietoloqu Anton Braykin uzunömürlülüyün sirlərini açıqlayıb.

Publika.az xəbər verir ki, o bu barədə RT-yə müsahibə verib.

Braykin bildirib ki, dünyada uzunömürlülərin sağlamlığı gündəlik qidalanma ilə bağlıdır. Onun sözlərinə görə, dəniz məhsulları və yağlı balıqlardan ibarət Aralıq dənizi pəhrizinin faydaları çoxdan sübut olunub. Həkim qeyd edib ki, bu məhsulların tərkibində çoxlu əvəzolunmaz yağ turşuları, vitaminlər və minerallar var.

Mütəxəssis vurğulayıb ki, İtaliya və İspaniya sakinlərinin pəhrizində mədə-bağırsaq traktının işini normallaşdıran çoxlu təzə tərəvəz, meyvə və göyərti var. Doymuş yağlarla zəngin olan təzə sıxılmış zeytun yağından da istifadə edirlər. Həkim belə bir pəhrizin xərçəng və aterosklerozun qarşısını almağa kömək etdiyini bildirib.

Dietoloq Qafqazdakı uzunömürlülüyün xüsusi diqqətə layiq olduğunu da vurğulayıb. Onun sözlərinə görə, qida rasionunda qızardılmış qırmızı əti çox yeyirlər. Həkim xəbərdarlıq edib ki, bu məhsul xərçəng riskini artırır. O, eyni zamanda Qafqaz sakinlərinin əsrlər boyu ətlə qidalandığını və onların mədə-bağırsaq traktının artıq onu həzm etməyə uyğunlaşdığını bildirib.

"Bundan əlavə, Qafqazın dağlıq bölgələrində uzunömürlülük fenomeni ərimiş sudan istifadə ilə bağlıdır - onun sağlamlığa faydasını sübut edən tədqiqatlar var", - deyə mütəxəssis bildirib