İrəvan Azərbaycan və Ermənistan liderlərinin görüşünün Fransanın iştirakı olmadan keçirilməsinə razılaşıb

Əgər tərəflər Vaşinqtonda irəliləyiş əldə etməsəydilər, bazar günü (14 may) Brüsseldə Azərbaycan Prezidenti İlham Əliyevin, Ermənistan baş naziri Nikol Paşinyanın və Avropa İttifaqı Şurası Prezidenti Şarl Mişelin görüşü planlaşdırılmazdı.

Ermənistan KİV-in xəbərinə görə, bu barədə Avropa İttifaqının yüksək rütbəli məmurlarından biri məlumat verib.

İrəvan birinci görüşün (mayın 14-də - red.) Fransa Prezidenti Emmanuel Makron olmadan keçirilməsinə razılaşıb. Lakin təxminən iki həftədən sonra Fransa prezidenti və Almaniya Kansleri Olaf Şoltsun iştirakı ilə müzakirələrin davam etdirilməsinə razılıq verib.

Tərəflər Brüsseldə üçtərəfli görüşləri davam etdirmək barədə razılığa gəliblər.