Ukraynalı uşaqlar reabilitasiya üçün Bakıya gəldilər

 
Ukraynalı uşaqlar reabilitasiya proqramı çərçivəsində Bakıya gəliblər.
Bu barədə Azərbaycanın Ukraynadakı səfiri Seymur Mərdəliyev "X" hesabında yazıb.
O bildirib ki, ukraynalı xilasedicilərin 30 uşaqdan ibarət yeni qrupu növbəti iki həftəni Azərbaycanda xoş keçirmək üçün reabilitasiya proqramı çərçivəsində bu gün Bakıya gəlib.
Səfirin sözlərinə görə, indiyədək 662 ukraynalı uşaq bu proqramdan yararlanıb.