Rusiya daha bir narahat gecə yaşayıb: Ukrayna 45 PUA ilə hücum edib

 
Hava hücumundan müdafiə sistemləri gecə ərzində Rusiya ərazisi üzərində Ukraynaya məxsus 45 pilotsuz təyyarəni vurub.
Bu barədə Rusiya Müdafiə Nazirliyi məlumat yayıb.
“Ötən gecə növbətçi hava hücumundan müdafiə sistemləri Ukraynaya məxsus 45 təyyarə tipli pilotsuz uçuş aparatını ələ keçirib və məhv edib”, - Rusiya Müdafiə Nazirliyinin bəyanatında deyilir.
Qeyd olunur ki, 14 pilotsuz təyyarə Bryansk vilayəti, 8-i Krasnodar vilayəti, 6-sı Krım, 5-i Volqoqrad vilayəti, 4-ü Çeçenistan Respublikası, 2-si Rostov vilayəti, 1-i Oryol vilayəti, 1-i Lipetsk vilayəti, 1-i Tver vilayəti, 3-ü isə Qara dəniz üzərində vurulub.