Çindən dünyaya yeni pandemiya təhlükəsi: Metapnevmovirus yayılır

Çində insanlar arasında metapnevmovirus (HMPV) adlı az tanınan virusun yayıldığı məlum olub, lakin rəsmilər hələ də susurlar.

Bununla belə, Çin Xəstəliklərə Nəzarət və Qarşısının Alınması Mərkəzi hələ də Çində qripə bənzər xəstəliklərin sayının sürətlə artdığını bildirməyə məcbur qalıb.

Xəstəliyin faktiki miqyası məlum deyil.

Digər oxşar viruslar kimi, HMPV adətən öskürmə və asqırma zamanı və ya xəstə insanla yaxın təmasda - qucaqlaşma, öpüşmə zamanı insandan insana keçir.

HMPV-nin simptomları öskürək, qızdırma, burun tutulması və axması da daxil olmaqla qripə bənzər əlamətlərdir.