Estoniya Finlandiya körfəzini Rusiya üçün bağlamağı planlaşdırır

Estoniya hökuməti Finlandiya körfəzində Rusiya gəmiçiliyinə mane olacaq sahilboyu “bitişik zona” tətbiq etmək niyyətindədir.

Təklif ölkənin Xarici İşlər Nazirliyi tərəfindən irəli sürülüb və Nazirlər Kabinetinin yanvarın 12-də keçirilən iclasında bir ay müddətində onun işlənib hazırlanması tapşırılıb.
 
Estoniyanın xarici işlər naziri Urmas Reinsalu bildirib ki, "bitişik zona"nın tətbiqi Estoniyanın ərazi dənizinin əsas xəttinin 24 dəniz mili məsafəsində Estoniya qanunvericiliyinə uyğunluğu yoxlamağa imkan verir.