Sürücülük vəsiqəsi ilə bağl vacib dəyişiklik: Bu kateqoriyalar...

Avtomobil sahibi olmaq bir çox insanın arzusudur. Lakin bu arzunu reallaşdırmaq üçün bir neçə vacib mərhələni keçmək lazımdır. Bunlardan ən önəmlisi isə sürücülük vəsiqəsinin alınmasıdır. Vəsiqə əldə etmək üçün sürücülər əvvəlcə həkim müayinəsindən keçməli, sonra isə nəzəri və praktiki imtahanlardan uğurla çıxmalıdırlar. Bəzi şəxslər isə ümumiyyətlə sürücülük vəsiqəsi ala bilməz.

Ümumiyyətlə, kimlərə sürücülük vəsiqəsi verilə bilməz?

Nəqliyyat eksperti Yasin Mustafayev bildirib ki, vətəndaşın sürücülük vəsiqəsi əldə etməsi üçün ilkin tələblərdən biri 18 yaşının olmasıdır. Bundan sonra şəxsin sağlamlıq vəziyyəti müəyyən edilən standartlara uyğun olmalıdır. Bu tələbləri qarşılamayan şəxslərə sürücülük vəsiqəsi verilmir. Həmçinin, bəzi sürücülük kateqoriyaları üçün əlavə təcrübə və yaş məhdudiyyətləri mövcuddur, məsələn D və E kateqoriyaları buna daxildir.

Ekspert bildirir ki, sürücülük vəsiqəsini qanuni qaydalara əməl etmədən əldə edən şəxslər cəmiyyət üçün ciddi təhlükə yarada bilərlər.

O, həmçinin qeyd edib ki, bəzən biz hər şeyi asanlaşdırmaq istəyirik və sürücülük məktəbində dərsləri öyrənməmək üçün pul veririk.

"Bu, dünyada çox nadir rastlanan bir vəziyyətdir. Əslində isə sürücülük vəsiqəsini almaq çox çətin deyil, çünki bu məqsədlə hazırlanmaq üçün müxtəlif tətbiqlər, resurslar və kurslar mövcuddur. Vəsiqə imtahanının sayı məhdud deyil və çox sayda insan birinci və ya ikinci cəhddən uğurla keçir. Lakin, sürücülük vəsiqəsini qeyri-qanuni yollarla əldə edən şəxslər, sonra qayda pozuntusu etdikdə hüquqlarını bilmədikləri üçün vəziyyətdən çıxmaqda çətinlik çəkirlər. Nəinki onlar qayda pozuntusu yaşayırlar həmçinin qəza şəraitində öz canlarından ola bilərlər".

Bəs sürücülük vəsiqəsində yaş həddinin 16-a salınması gözlənilir?

Ekspert qeyd edib ki, xarici ölkələrdə də sürücülük vəqisələrinin verilməsi 18 yaşdır.

"Amma dünya təcrübəsində kiçik ölçülü nəqliyyat vasitələrinə sürücülük vəsiqəsinin verilməsi 16 yaşdan başlayır. Düşünürəm ki, bizim ölkədə də motosiklet, A1, B1 kateqoriyalarına 16 yaşdan verilməsi mümkün ola bilər. Düzdü onlar da digər nəqliyyat iştirakçıları kimi məsuliyyət daşıyır amma kiçik nəqliyyat vasitəsi olduğu üçün 16 yaşdan verilməsi problem hesab edilmir deyə düşünürəm", - deyə ekspert qeyd edib.