"Instagram"da YENİLİK

"Instagram" "TikTok"dan daha bir funksiyanı kopiyalayıb. İndi ekranın sağ və ya sol tərəfinə basıb saxlayaraq videonu 2 dəfə daha sürətli izləmək mümkündür.

Bu barədə techcrunch.com məlumat verib.

"TikTok" ilk dəfə işə salındıqda videolar cəmi 15 saniyə uzunluğunda ola bilərdi. Vaxt keçdikcə və platforma populyarlıq qazandıqca, videoları sürətləndirmək imkanı ilə daha uzun videolar yerləşdirmək mümkün olub.

"Instagram"dakı videoçarxlar da əvvəlcə 15 saniyə ilə məhdudlaşırdı və daha sonra bu müddət 3 dəqiqəyə qədər artırılıb. İndi isə sosial şəbəkə istifadəçilərə sürətli ötürmə ilə videonun sürətini artırmaq imkanı vermək istəyir.