Son 40 ildə belə şey olmamışdı – Yapon yeni çökdü

 
Çərşənbə axşamı Tokio ticarət əməliyyatları zamanı Yaponiya yeni ABŞ dollarına qarşı təxminən 40 ilin ən aşağı səviyyəsinə düşüb.
Dollar qısa müddətə 162 yen olub ki, bu səviyyə sonuncu dəfə 1986-cı ilin dekabrında müşahidə olunub.
Yenin ucuzlaşması ABŞ Federal Ehtiyat Sisteminin faiz dərəcələrini daha da artıracağı ilə bağlı artan gözləntilər fonunda baş verir. İki ölkənin pul siyasətindəki davamlı fərq səbəbindən investorlar fəal şəkildə Yaponiya valyutasını satır və dollar alırlar.
Bazar pul siyasəti mövqelərindəki ziddiyyətə reaksiya verməyə davam edir: Federal Ehtiyat inflyasiyanı cilovlamaq üçün siyasəti sərtləşdirməyə hazır olduğunu bildirir, Yaponiya Bankı isə ultra-yumşaq yanaşmaya sadiq qalır. Bu, yenə davamlı təzyiq yaradır və onun əsas qlobal ehtiyat valyutalarına qarşı daha da zəifləməsinə səbəb olur.